Cuma,
Cur fara ma
Ar si ar do ma,
Mu iyu?
Cuma.
Da
Ma cuma si da,
Xolo-ti ma,
Cur fara ma
Ar si ar do ma,
Mu iyu?
Da do cuma.
Ma var vori ma.

Toma kçe cegan t̆alu,
P̆iya t̆i egan t̆alu.
E na si var or t̆a re,
Nananena gan t̆alu.

Mu nʒ̆oru bedi sk̆ani,
K̆alati mobumeri.
Baba-sk̆ani var gvoşk̆u,
Ti tude cebumeri.

P̆ap̆u-sk̆ani meyi t̆u,
K̆orturaşa.
Si xaje t̆i giğun-i,
Gvok̆ap̆ini Nataşa.

Sk̆anda vrosi ixmaren,
Na-nok̆orun Nağişa.
Livadepe omgvanay,
K̆ave var xen serişa.

Var gazin-i mu iyen,
Meleni do moleni.
Guri komogalen do,
Ari va mogalen-i?

Oziʒinam mitonpe,
İyasen guri-nişi.
Si haşote mu are,
T̆işi cegilu t̆işi!

Var dogosk̆udu oxori,
Ne lazu t̆i ne muxuri,
Betonepe molakʒare,
Oyi oyi
T̆işi-sk̆ani mç̆urç̆a obğe.

Dok̆vati do txombu ç̆ubri,
Onape çayi na-dvorgi.
Aşk̆va miti var eç̆opuy,
Oyi oyi
T̆işi-sk̆ani mç̆urç̆a obğe.

Soti var naşk̆um m t̆a do mca,
Gimğirasen ruba abca,
Caşk̆va do eyegabğasen,
Oyi oyi
T̆işi-sk̆ani mç̆urç̆a obğe.

Gogoç̆ondru muç̆o or t̆u,
İnexi, mzurmexi kor t̆u.
Sifteri-ti gixrosk̆asen,
Oyi oyi
T̆işi-sk̆ani mç̆urç̆a obğe.

Var diç̆ir t̆u haşo gza-ti,
Gologiğobey zuğa-ti.
Nkturum vrosişa p̆iya t̆i,
Oyi oyi
T̆işi-sk̆ani mç̆urç̆a obğe.

Oziʒinu obgarinu şk̆uni ar
Vana
Ma na-vibgar şeni si,
Si na-ziʒam şeni ma var.
Şk̆imişi şik̆u k̆itepe-sk̆ani
Si-ti gat̆oçen kva
Ma-ti emalen mca
Omşk̆orinu omğorinu-şk̆uni ar
Vana
Ma na-vimxor st̆eri si,
Si na-mğoram st̆eri ma var.
Ar mğvaruman mp̆ulape
Ar memotanaman mcora
Toli gağvaren si-ti
Nena domagun ma-ti
Vana
Ma-na mazin st̆eri si
Si na-ognam st̆eri ma var.

Ank̆e Musa Cedeşi

Ç̆emu Çupina

Helimişi Xasani

Mecit Çakırusta

Nedim Tormanişi

Nurdoğan Demir Abaşi

Selma Koçiva

Sinan Badişi

Ʒ̆ate Ʒ̆at̆uri