Pencere perde şeni
Yepçkindi derdi şeni
T̆k̆obaşa meptanon
Skani omt̆inu şeni

K̆aramanişi dağis
Mot dgin ek̆o inç̆iri
Amseri xvala vore
Gela hoylamanciri

Melendoni rak̆anis
Kamuk̆oxu dumani
Ek̆o surat̆i mot̆t̆u
Nanamuşi k̆ulani

Mele mole gontanu
E xçe mandili skani
Limci moblur gomt̆inap
Namuren odaskani

K̆aramanişi dağis
Ek̆o dido limxona
Gilamanç̆i baxçaşa
Ar komişagixuna

Odaşi tavanepe
Rendeli ren rendeli
Surat̆i yari çkimi
Çkimi şeni ideli

Aʒ̆i mart̆i moxtaşi
K̆vinçi k̆vinçis notxozun
Nanamuşi k̆ulani
Ʒxeni steri notxozun

Xolo kogomaşinu
Zamanuri dğalepe
Arçkva ok̆ovobanat
Lazuri birapape

Yemtumani mevulur
Bergi mujok̆ideri
Sinti mindagiqona
K̆ap̆ulas mok̆ideri
Pencere perde şeni
Yepçkindur derdi şeni
Ar komişagixuna
İri ok̆viru şeni

Şuri kodolomilu
Yaris mevacundaşi
Nana muşik homz̆ires
Dulyas mevoqup̆t̆işi

Cip nostoneri iqven
Oput̆epey dugunepe
Çkineburi xoronan
Lazuri k̆ulanepek

Xolo kok̆ibğerenan
Kyoyişi k̆ulanepe
Cip nosteneri iqven
P̆ark̆i ok̆oxunepe

Xolo nodiya nulun
Kyoyişi k̆ulanepe
Ok̆vaşxe notxozunan
Mç̆orik̆ale gencepe

Ğardoğali mevulur
Skapinas gexuneri
Yari çkimik miqondeps
Xçeyepe gokuneri

Mtviri mtups kiʒa kiʒa
Vibgarayi viz̆iʒa
Asterişi k̆ulanis
Ʒudi mot mevoz̆iʒa

Xolo kogomaşinu
Zamanuri dğalepe
E muntepe vikipt̆it
Movişalit delepe

Ğoberişi kenaris
Dop̆ʒ̆ami ar txolari
Man na dido k̆qorop̆t̆i
Mot gemidvi yulari

Pencereşi kenaris
Derdiyani gilaxen
Mik̆it̆as muyt̆as emus
T̆k̆obineri muşaʒ̆k̆en

Melendoni rak̆anis
Kamuk̆oxu dumani
Man na si gicoxop̆t̆i
Sonulur yemtumani

Yemtumani sonulur
Bergi mujodvaleri
Amseri meptaunon
K̆eniya gedvaleri

Ank̆e Musa Cedeşi

Ç̆emu Çupina

Helimişi Xasani

Mecit Çakırusta

Nedim Tormanişi

Nurdoğan Demir Abaşi

Selma Koçiva

Sinan Badişi

Ʒ̆ate Ʒ̆at̆uri