Çkini ont̆ules keçkindu dido munt̆uri, mskvinura do çxvindi (çxundi) gingiloni bobonç̆va.
K̆arta (k̆atan) ndğas ma bz̆iropt̆i ki, luquşi, k̆romişi do bulek̆işi but̆k̆ape mitxanepe xvat̆up̆s.
Mʒika oraşk̆ule ma kobz̆iri ki, nam but̆k̆ape bz̆irina; çxvindi (çxundi) gingiloni bobonç̆vape, mskvinurape vana mç̆ipe munt̆urepe ek renan, do but̆k̆ape xvat̆erenan.
Ma kogevoç̆k̆i ok̆orobus (k̆orobus). Dido bobonç̆vape do munt̆urepe dop̆k̆orobi do dop̆ç̆vi.
Mara mʒika oraş k̆ule, p̆k̆orobup̆t̆işi kobz̆iri muç̆o k̆ap̆ineri mtxolayi oxut̆k̆asu ar bobonç̆vasdo ar svacis oç̆k̆omu. Eya oç̆k̆omuşk̆ule xolo unk̆ap̆u şuk̆aşa do ekti oç̆k̆omu didi munt̆uri.
Ma uxonk̆anu kodopxedi do mtxolaris (mtxalayis) voʒ̆k̆ert̆i.
Mʒika oraşk̆ule açkva sum mtxalayepe kobz̆iri. Entepek ekole akole unk̆ap̆int̆es do munt̆uri, mç̆aci, bobonç̆vape mteli xolo imxort̆es.
Ek̆ule naquraps maqaqi kobz̆iri. Emukti mtxolayapesteri (mtxolarepesteri) çkimi ont̆uleş duşmanepe(mt̆erepe) imxort̆u. Aşote oxovoʒ̆oni ki, naquraps maqaqi do mtxolarepe çkimi dostepe renan.