-Ç̆ik̆? Ç̆ik̆... ç̆ik̆-ç̆ik̆... ç̆ik̆ç̆ik̆ap̆s pencereşen mşkirdonik.
Riza ç̆umandeli(ç̆umeneri) nciris t̆u. Mşkirdonişi oğarğalu qucis ga'suşi tolepe muşi kogonʒ̆k̆u, k̆vinç̆i z̆iruşkule axelu.
Mjorati kextereet̆u do penceres noçxant̆ut̆u.
Rizak ti eʒ̆azdu do k̆vinçis nofarfalu. K̆vinçiti yalis noputxu t̆u, pencere gonʒ̆k̆imeri na var t̆uşeni doloxe var amalet̆u.
Rizas dvaç̆k̆indu, mara pencereti var gvanʒ̆k̆u. Ar; nana çkimi komoxtat̆u pencere gonʒ̆k̆at̆ udo, k̆vinçi voxelat̆iya do guri muşis mek̆ilapu.
K̆vinçi, uk̆açxe k̆oçiş nenate oğarğalus göç̆k̆u:
-Ç̆ik̆-ç̆ ik̆! Yado gamucoxu Rizas.
-K̆aobate skani z̆irapa, ç̆it'a biç̆ina. Maxelu na dirdere şeni. Goʒ̆oşk̆ule irdere epeyi. Ma goʒ̆os xolo ak vort̆i do qinobas mendra svalepes (svapes) vort̆i. Ç̆ik̆, ç̆ik̆, ç̆ik̆, ç̆ik̆...
Ç̆it̆a Rizas k̆ayi aʒ̆onet̆u mşkirdonişi oç̆ik̆ç̆ik̆u.