Ar k̆oçi do mtuti manebra(megabre) iqverenan. Ek̆ule bulek̆iş nergepe orguşeni ok̆oitkverenan. K̆oçik:
-Bulek̆epeşi cirek̆epe çkimi iqvas, dudepe muşi skani iqvas.
Bulek̆epe k̆ayişa kodirderen: K̆oçik kezderen cirek̆epe, mtutis komeçeren dudepe.
Ar ʒ̆ana golileren. Majurani ʒ̆ana komoxteren. Pukirobaşi(purkinoraşi) dro moxteren. Komoxteren xaçkuraşi ora. Koducoxeren k̆oçik mtutis do aşo tkveren.
-Vorgat xolo nergepe!
Mtuti aşo tkveren :
-K̆ayi, vorgat . Mara aʒ̆i dudepe skani iqvas, edo cirek̆epe çkimi iqvas!
K̆oçik aşo tkveren:
-Si na ginon steri iqvas!
K̆oçik var moivaru do aşote ok̆oitkves.
Lazut̆iş nergepe kodorgereenan. Kodirdereen k̆ayi lazut̆epeş nergepe. K̆oçik kezderen dudepe, mtutis cirek̆i anç̆eren.
Koxoʒ̆oneren mtutik k̆oçik na oğerdinu, igzaleren (mendaxteren) germaşa do emuşk̆ule k̆oçik̆ala menabroba (megabroba) var qveren.